بسم الله فجأة منسدحة
وكذا قاعدة أفكر بعلاقاتي مع الناس, أدري إن فيه ناس قريبة مني
بس ماعرف ليه دايمًا ماحس الناس حقيقي مهتمين فيا
وبقراراتي أو مستقبلي أو نفسيتي أو فرحتي وضيقتي وكل شي يخصني
أحس حقيقي حقيقي محد حيحس بأي شي من هالأشياء ومحد حيكون واقف معايا لآخر قطرة
كل الناس حتمل بمرحلة من المراحل وتمشي, يمكن لأني كذا؟
أحس إني ماعرف أهتم بالناس من جد؟ ماعرف اشيل همهم وأزعل عشانهم
أحيانًا أحسني بليدة من جد بمعنى هالكلمة, في أشياء مفروض تزعل مره مازعل منها
أحيانًا المفروض أحس بمشاعر قوية ماحس بمشاعر قوية!!
مادري ليه كذا أحس 80% مني روبوت
و20% يادوب فيها شوية مشاعر, المفروض أصير أرقوز
المهم.. خلاصة ذا الكلام
وأنا أفكر قلت أوه نجود دام محد حيهتم إنتِ اهتمي بنفسك
أيوا أنا أعرف اهتم بنفسي وأقدر قيمة نفسي, وأنا اللي ببني مستقبلي بنفسي
أعرف حلمي وأهدافي اللي أبغا أنفذها وهي اللي حتخليني أحس إني مبسوطة وإني راضية عن نفسي
لازم أهتم وأنفذ كل اللي فبالي وأشتغل على نفسي, لأني أستحق إني أكون الشي اللي أتمناه
لأني أقدر وأنا اللي ببقى لنفسي لآخر قطرة
